ირაკლი კუტალაძემ გრანდიოზული დაბადების დღე "კოქტეილ-ბარში", მეგობრების გარემოცვაში მხიარულად აღნიშნა
მითქმა-მოთქმა და ვნებათაღელვა არ ცხრება ნინი ბადურაშვილისა და ირაკლი კუტალაძის სკანდალური დაშორების ირგვლივ.
ქმრის მიერ მიცემული სკანდალური ინტერვიუს შემდეგ ნინი ბადურაშვილი ხალხს მხარდაჭერისა და თბილი კომენტარებისთვის "ფეისბუქით" მადლობას უხდის:
"უღრმესი მადლობა თითოეულ თქვენთაგანს მხარდაჭერისთვის! ინბოქსში ძალიან ბევრი თბილი მესიჯი მომდის, რაც ძალიან დიდ ძალას მაძლევს! ყველას ბედნიერებას გისურვებთ - ჩემს გულშემატკივრებს და არაგულშემატკივრებს! პატივისცემით, ნინი ბადურაშვილი".
ამ დროს კი ირაკლი კუტალაძე, ქართული მედიისთვის ინტერვიუს მიცემის პარალელურად, "ფეისბუქზე" მოსალოდნელ ზეიმს ჯერ აანონსებს, შემდეგ კი გრანდიოზული დაბადების დღის ამსახველ კადრებს დებს, სადაც ის თეთრ პიჯაკში საგანგებოდ გამოწყობილი უამრავი ქალბატონის გარემოცვაშია.
32-ე დაბადების დღე ირაკლიმ საკუთარ "კოქტეილ-ბარში", მეგობრების წრეში აღნიშნა.
ეს იმ დროს, როცა მისი აწ უკვე ყოფილი მეუღლე დღე-დღეზე მშობიარობის მოლოდინშია და თან, ირაკლი კუტალაძესთან მისი ქორწინებისა და სწრაფი განქორწინების ირგვლივ გავრცელებული ჭორების მოგერიებაშია.
